الى متى

[أسير الحزن والحرمان]

مازال عطرك يعصف بكل ذكرى في روحي....

مازال يداعب انفاسي ويعانق فكري...

يصول ويجول بين حنايا قلبي

اااه ياروحي

متى ترسي بك مقادير الدنيا؟؟

متى تلملمين اشلائك المتناثرة ؟؟

متى تعانقين روحك ونبضك؟؟

الى متى صمتك ياروحي؟؟

الى متى تتارجحين بين نقطتين من عدم؟؟

الى متى تتخبطين على مفرق الطريق؟؟

الى متى يسكن الحزن حنايا قلبك؟؟

الى متى؟؟

متى تجف أرض أحزاني..

وتمطر سمائي ضحكات بدل الآهات !!!

انتظار زاده الشوق انين

انتظار لعناق تاخر كثيرا...

وابقى وحدي معك يا بحري حزني الكبير ..

[لهفة الشوق]

عزيزي ,,

الحرماان

ما اجمل العبارات و الكلمات اللي تكتبه لنا

مشااعر روعه تنبض منك .,

تقبل مروري ,

لهوووفه

[أسير الحزن والحرمان]

تَعَبت أشيـل الهَم عنّك وأداريك
وإنتَ همومـي ثقلَهَــامـا يهمِّك

لا يا حبيبي.. الزمن لا يخليك
تقسى على قلبي وتسقيه سِمِّك

دِ نْ يـَ ا كْ هذي , لا تغيِّر مباديك
مهما إستطعت الظلم إعدل بحكمك

ما هي غريبه من يذمِّك يماشيك
لكن غريبـــه يمدحك من يذمِّك

ما كل واحد غاب معناه ناسيك
بعض البشر ينساك لو كان يمِّك

أدري تعزني .. اللـه يعز غاليك
وإن كان لـي عندك معزَّه بضمك

في خاطري كم كلمةٍ : عن تجافيك
وإن شفت دمعاتي إنزَلَت .. حط كمِّك

إسمك حبيبي ويا كثِرها أساميك
وقلبي يفز .. لا جابوا الناس إسمك

ليتك تحس في ضيقتي يوم أحاتيك
أحرق لك أعصابي .. وما حَس دمِّك

غايب بدون أعذار .. ربِّي يجازيك
عطني سبب مُقنع حبيبي .. وألمكّ

همِّك , جنونك , ضحكتك , كل ما فيك
صوتك , سكوتك , وأرجع أقول : هـ مِّ كْ

لبيــه منِّك غير .. لمَّا أناديك
كن الكلام العَذب ... مرساه فمِّك

مهما غلوك قلوب ناسٍ حوالــــيك
أغليك أكثرمنِّهُم بس .. لعلمك

أبوك , خالك , إختك , أخوك , ماضيك
ربعك ،جميع النـاس, وعيـــال عمِّك

شايف غلاهم لِك .. أكثر أناأغليك

واللِّي وِصَل نِص الغلا يمكن أمّك

[جيفارا]

اخي الحرمان


ما اعذب كلماتك و ما ارقاها


عودتنا دوما على ان نتنفس عبير الحب و سحر الكلام من هنا



دمت بكل خير اخي العزيز



تقبل مروري

[أسير الحزن والحرمان]

هم لكنه ياجيفاراماهو بإيات هم
مايعرفه غير من قلبه نظيف

كل شاعرمن همومه ماسلم
القوي منهم ومن شعره ضعيف

ياشعوري ياعبارات الندم
لاتزيدي يامتاهات الخريف

لو كتبت اعذب حروفي بالقلم
وش يفيد اكتب ومن يقراء كفيف

ساير الدنيا وعشها واغتنم
مايعيش بها الزمن غير الخفيف

لاتقول افلان ظالم ماظلم
من عسف خيله يبا يركب عسيف

ولاتعب ياكود مشاي القدم
ولاتقول انك كذاجسمك نحيف

راجع التاريخ وافعال الأمم
وادرسه ياعاشق الجنس اللطيف

وقولي بالله تكفا قول كم
من بطوله سجلت ماهي بزيف

وكلها تبدا بعالين الهمم
وتنتهي بالفعل وليوم الكليف

في عباره صادقه اقسم قسم
تقهر الرجال نظرات الظعيف

الشجاع يموت ماداس القزم
لأنه بعينه ولا شي وسخيف

ياهمومي لاتزيدين الألم
اخلصي ولا اشربي فنجال كيف

ويش يفيد مااكتب ياجيفارا
مدام اكتب ومن يقراء كفيف

يسعدني توجدك اخي الغالي جيفارا

[جيفارا]

اخوي الغالي و الله و نعم الاخ



و مشكور على كلماتك الرائعه


و لكن يا اخي احلفك بألله كفاك حزنا



و اتمنى من اخي و مديرنا العزيز احتويني ان ينظر لموضوعك من جديد



فأنا من ذات نفسي لا اطيق ان ارى رائع مثلك قد توقفت به عجله الابداع

و تم ايقافه عن طرح روائعه لنا



و انشاء الله كل خير بالايام القادمه



تحياتي لك

[أسير الحزن والحرمان]

كئيب من الشقا ولا جريح من الجفا ياليل
دخيل القلب إللي بصدرك لا تعنيٌني

دخيلك ما دخلت ألا لغيرك والدخيل دخيل
وأنا ما عاد إللي غيرك في هالدنيا يخاويني

يكفيني من الدنيا أشوفك للظلام تميل
معك ضو القمر ولا النجوم إللي تكفيني

عقب هاك الوليف إللي تركني للعنا والويل
ياليته ما تركني للغثا والليل ممسيني

ألا ياليل لا منك نويت مع الظلام تخيل
أخذني من تحت جنح الظلام ولا تخليني

تراني ما تحملت العقايب من كثر ما أشيل
عذابي مع عذابك يا عذابي لي عذابيني

علامك جيفارايابعدحيّ القوافي والقمروسهيل
علامك كل ما شفتك تقول أنك تعزيٌني !

علامك تترك العبره من عيون السحاب تسيل
تنٌشدني عن الغايب ويردفها دمع عيني

إذا غيابه مّكدر خاطرك يا صاحبي بالحيل
ترى غيابه مخلي صاحبك مثل المجانيني

مغير أسولف لحالي تقول إني غديت أخبيل
وأقول إن السوالف ما تزين إلا مع الزيني

أنشهد ما هقيت إنه عن ربوع الخفوق يحيل
عزاي لقلبي إللي ماخذه من صدري سنيني

ياليت أنه يقدر ما أقوله مّير صار بخيل
أمدله اليدين ويقصٌر إيدينه عن يديني

أمانه لا تشٌره لا عدمتك من بعض هالقيل
تجٌمل وأترك الشرهات للي ما يدانيني

ما دام أني خليلٍ ما تخلا عن عيون الخيل
أجل تستاهل الفنجال لا سقته باليميني

يذكرني سوادك في عيون مجدلات الذيل
عساني ما أعدمك يا هالعيون إللي تناديني

نعم دوك القوافي ثم تذٌوقها بطعم الهيل
إلين إنك تقول أرجوك تكفى لا تبكيني

كريمٍ وأنت تستاهل ولا من عٌودت حلحيل
وأظنك عارف ٍ طبعي قبل لا جيك وتجيني

ياليت إني عرفتك في زمان ٍ غير عن هالجيل
ما دام إنك تحس بلوعتي والهم طاويني

خلاص أرجوك لا تبكي وأنا عنيت لي منديل
خلاص أرجوك خل الحزن من بينك ومن بيني

توكلنا على الله وحسبنا الله ونعم الوكيل
سبع مرات أرددها وأقول آمين آميني !

[من فهمني ملكني]

بصراحه كل ماتكتبه رووووووووعه

يعطيكـ ربي العافيه

[وردة الحب]

,,كلماتك جميله بل في غاآآآآية الروعـــــه ,,
,,, ولكن إلي متى وانت حياتك كلها حزن وآلم ,,,
,,,, اتعلم ان قلبي يحزن بحزنك ,,,,
,,,,, انت انسآآآن عظيم تعلمت منك الكثير ,,,,,

تحياتي