بلادي ماينكس علامها , بمناسبة اليوم الوطني

[نسايم]

يا الله يا اللي بالمخاليق علام
ياواحد(ن) كل الخوافي علمها
ياللي عمرت الكون في ستة ايام
وانت اقدر بـ(كن) توجده من عدمها
ترحم شجاع(ن) بالمهمات ضرغام
الفارس اللي مملكتنا شكمها
عبد العزيز اللي تعنى ولا نام
وبقدرة الله صادها واغتنمها
رجع حكم جده وشده بمرسام
والمملكة على الطبيعة رسمها
من حد صنعا لين تقبل على الشام
ومن الخليج لبحر الاحمر حزمها
الملك ساسه والا بو شيخ وامام
والشرع منهاجه وعدله قلمها
طوع قبايلها وخلاهم ارحام
لين الذيابه دوجت مع غنمها
من دون طيارة وصاروخ والغام
بالله وشرعه كل الاعدا هزمها
من عقب ماكانت معاشيش وخيام
ومن الجهل بالشرع يعبد صنمها
صارت سعوديه تعامل بالارقام
بين الدول دايم مخضّر سهمها
يكفي فخر لانكست كل الاعلام
تبقى بلادي ماينكس علمها
دوله نشت في ظل تعليم الاسلام
ياويل من يخطي ولا يحترمها
والشعب صار لقادته درع وحزام
حكامنا تامر وحنا خدمها
آل السعود مروضة كل غشام
من غيرهم شبه الجزيرة حكمها
يوم اعسفوها قادوا العز بخطام
ليماالربيع اليوم بنى شحمها
الحمد للي حطهم ضد وكعام
بوجيه من ذماتها في قدمها
والخاتمة صلوا على سيد الانام
اعداد ما تذرى الهبوب بنسمها


خالص ودي للارواحكم النقيه : نسايم

[نزف الجروح]

روووووعه تسلمين يالغلا

والله يبقي بلدنا دووووم بأمن وأمااان

[السفير]

• كل عام وانتي ووطني السعوديه
  
• بالف خيرررر
  
• ااحساس راائع نسايم
  
  
• ليتك كنتي معنا اامس
  
• في الزحمه على البحر
  
• وشفتي الهيصه والفرحه
  
  
• تحيتي
  
• سفيرررر

[فيصل 2000]

يعطيك العااافيه

رووعه

[ياسمينه الجميله]

يعطيك الف عافيه نسومه

والله يحمي هالوطن واهله يارب

[نسايم]

شااااكره مروووركم ,, السفير كنت في الخبر عالبحر ..

[جيفارا]

الله يحفظ كل بلدانا العربيه و الاسلاميه


و يحفظكم يا اخوانا بالسعوديه و ما تشوفون مكروه بحياتكم




تحيه حب و احترام لعلمكم و لشعبكم الرائع

[نسايم]

جيفارا ,, تحيتي لك ولتواضعك اخي العزيز ..

[دنيتي ورده يغلفها الالم ..]

نسايم ..

كلمات اثلجت الصدور ..

لجمالها ..

لا تحرمينا من تميزكـِ الدائم ..