لا تساليني

[أسير الحزن والحرمان]

لاتسأليني امانه ليه انا جيتك

في داخلي شي قال إنك وحشتيني

شيٍ اخذني ووداني على بيتك

إبلا شعور امشي وادل العناويني

منيوم رحتي تراني ماتناسيتك

وانتي بعد ياعيوني مانسيتيني

وشفيها لاجيت كلي شوق وضميتك

ودي اضمك غلا واشوفك بعيني

غلاك ونبرات صوتك مع تناهيتك

صاروا في عمري ياعمري شيروتيني

كلمة احبك قليله مهما حبيتك

احساسي اقوى من احساس المحبيني

ودي اوصف شعوري يوم لاقيتك

لكن تضيع الحروف ان جيت وجيتيني

تبينها بإختصار انا تعاطيتك

مدمن وربي على الادمان باليني

منقبل اعرفك وانا ياما تمنيتك

هواك عن شوفة الترفات معميني

واليوم في داخل الشريان حطيتك

برضاك تسرين في كل الشراييني

لاتسأليني امانه ليه انا جيتك

في داخلي شي قال انك وحشتيني

شيٍ لوانك تحسينه وسط بيتك

طلعتي من باب بيتك ثم حضنتيني

[دنيتي ورده يغلفها الالم ..]

الحرمان ..

كلماتكـ رائعه لروعة معانيها ..

كم اعجبتني هذهـ الكلمات الشفافه ..

النقيه .. كنقاء قلب طفل صغير ..

يعطيك الف عافيه ..

[جيفارا]

الله .... عالاشواق .. و اللهفه


الله على سحر الكلام



الله عليك يا مبدع




تقبل مروري

[وردة الحب]

يا سلآآآآآآآآم على
حلاوة الكلمات ,,
وروعه المعاني,,
وخاصةً انها نابعه من قلب صافي مليء بالحب

الله يسعدك ويخليك لي ولا يحرمني منك يا امير المنتدى

ورديه