ترى ما رحت من كيفي عشان أتحمَّل ذنوبك

[الرمش الخجول]

شِرَق هذا الفراق اللي كِسَرني حزَّة غروبك ..
بغيتك وإستحَت عيني من الغلطات صدقني !

كتبتك من قبل لا تجرح الكلمات مكتوبك ..
إذا عندك عذر باقي على التقصير إعذرني !!

كثير الهَم متعوِّد علي .. وإنت يا دوبك
وكافي الحزن لو عنَّه أغيب أيَّام " يفقدني " !

حبيبي ليه متضايق وعلي متغيِّر إسلوبك ..؟
يبيِّن لو سِكت قلبك .., بأنْهَا ضيقتك مني

غيابي كان مو بيدي خذاني الحظ من صوبك !
وقلبي هذا هو حظه غريبٍ , من صغر سني ..

أبيك وما أبي غيرك .. وتأكد قلب محبوبك
جبره الوقت يتناسى لأجل بالخير تذكرني

إذا ردَّت علي أبقى معاك وثوبي من ثوبك
ولكن [ الزمن ].. لمَّا أقرِّب يبعدك عني !

غصب رايح ولا برجع لأني أبرز عيوبك
حرام إنَّه يجي واحد يلومك من كثر " حزني " !

ترى ما رحت من كيفي عشان أتحمَّل ذنوبك
أنا شفت الزمن ناوي علينا وقلت له : خذني ...!

واذا قالوا : رَحَل عنِّك حبيبك ، فتِّش جيوبك
تطمَّن قلبي بـ جيبك حبيبي لا تدوِّرني !

لذلك قلت في نفسي أبي أبعد عن دروبك ..
تأكد غيبتي هذي عشانك إنت ... صدّقني !

[جيفارا]

الله . الله

صح لسانج خيتو

و ربي كلمات خرافيه و مؤثره


مبدعه دومج


تقبليني

[الرمش الخجول]

جيفارا

صح بدنك

عسى دوم مانحرم من ردودك

منور

مع تحياتي

رموشه

[عربى وافتخر]

الرمش الخجول


روووووعه وقاسية

بك صدق لقد اعجبت
بما خطته يداك..
أحساس..معنى.. ألم.. شــوق وحزن..حب..
هذة ماتخفيه لنا حروفك
الجميلة..

لن اجد مايكفى لوصف
روعة كلماتك
وجمال عباراتك
مبدعــه
رائعــه
لا لن تكفى ابدا
ولن توفى حقك
لايسعنى عزيزتي
سوى الدعاء...
لكي بالخيرفى الدنيا والاخرة
وربى يوفقك...
تقبلي مرورى
ولك مني اجمل ايات الاعجاب والتقدير

[الرمش الخجول]

مشكور عربي

على ذوقك وادبك

منور يالغلا

مع تحياتي
رموشه