الوالد بالوداع يصير مهموم

[جيفارا]

الوالد بالوداع يصير مهموم ...وانا اثنينهن والد وشاعر
خيلك طشرتني وجنت ملموم ...وصارت طيحتي بين الحوافر
اذا عشرين يوم وما شفت نوم...شيظل بالحيل بالعشره الاواخر ؟
فراش الفاتحه لو شفته ملموم ...بنص كَلوبنا تلكَى الجوادر
يمنه المصبغه ..ودينه لهدوم
الحزنك مشترينه قماش حاضر
تمنيتك جرح ...كلساع ملجوم
وتبات الليل بشفاف الخناجر
انا يا بوي من ونيت مالوم ...نزل مني دمع يعمي النواظر
خدودي متعوده تتندى كل يوم ...وتحب الماي خشبات الكَناطر
لمت الروح بس شفادني اللوم...شلحك ؟ وبسفينة الموت عابر
المنايا عالسطح وعيونها تحوم...عليك ...ونزلتلك نسر كاسر
ستر الله نغط بديارنا البوم...اخذ عين الكَلاده وراح طاير
ديني حلاتك حلو الرسوم...بلكي انعشك دنيانا مظاهر
اظل كاظم وصبري وياي مكظوم...لوما هالخشب جوه الاظافر
اهن كاسين بهن كاس مسموم...خاف اغلط وبالمسموم اكاسر
بعنه البيت ريت البيت مهجوم....وريت اكثر بعد من هالخساير
تحب انت اللعب والكبر ملموم ...شلون تحملت وشلون صابر؟
وليش من الهوى يابوي محروم ...ونسمات الهوى تطيب الخاطر
من هو ؟ الشوفك صورة المعدوم...وليش تعلكَت ياشاب يا قاصر
ما ظنيت زرعي يروح فد يوم ...وعصافير الحزن تگضي البيادر
من اكتب قصيده تزيد الغيوم...ومن عيني الدمع يملي الدفاتر
يبقى بهل مطر ياشعر منظوم...نصاري الحسين وبحر وافر

للشاعر كاظم اسماعيل كاطع

[زي الســكــــر]

صح لسان قايلها وناقلها
يعطيك الف عافيه على هالقصيده الحلوه
لاحرمنا جديدك الاحلى
تقبل مروري وودي

[الرمش الخجول]

مبدع في اختيارك

دائما في عرش التميز

لالا تحرمنا من جديدك الراقي

تقبل مني اجمل تحيه

رموشه

[عربى وافتخر]

جيفارا

تسلم ونسلم اناملك

في قمة الروعة

في قمة الابداع

هكذا دائما جيفارا

اختيار موفق

تقبل مرورى

ولك منى اجمل التحايا

[جيفارا]

صح بدنج يا اروع سكر


منوره الموضوع و اهله


ثانكس عالمرور

[جيفارا]

رموووووشه

سيدتي الغاليه


انتي ملكه و سيده هذا العرش

و نتعلم من شذى عطرك هذا الابداع



لكي مني اجمل تحيه

محمله بالحب و الاحترام


ثانكس عالمرور

[جيفارا]

عربي


هذا جزء يسير من ما تعلمناه من كلماتك الي دائما تسحرنا بها في المنتدى

فأنت استاذنا ........ و اديب المنتدى


تحياتي لسموك


ثانكس عالمرور