حضرة سمو الحزن

[الرمش الخجول]

إلى حضرة سمو الحزن : أبسأل بس وشـ باقي ؟
وشاللي طالبه منّي لـ أجل تهديني عنوانك ؟

أبسأل حضرتك يا حزن عن اللي كان بأعماقي
قبل لا يمرّني طيفك ... وتدندن جرحي ألحانك

علامك جيت لي كلّك ؟ ولا فكّيت لي وثاقي ..
وأنا ما يوم ناديتك ... ولا دقيت بيبانك !!

حضنت أيّامي بقسوهـ وأحسّك همت بـ عناقي
وصوّرت العمر بيدك وعلّقته بـ جدرانك ..

ياليتك تبعد وتنسى ياليتك تعلن فراقي ،
أنا ماعاد فيني شي يصبّرني : على شانك

كتبتك يا حزن عمري و فَرَح غيري من أوراقي
أنا لو تحسب جروحي : خطا في عدّها لسانك ..

دخيلك لا تشبّ النار وش إللي يفيد بـ إحراقي
تمهّل يا حزن وإصبر ، قبل تنهيني نيرانك

ترفّق يا حزن .. مابي تشمّت فيني رفاقي !!
علامك تحسب طعوني زياده بدفتر إحسانك ،

سقاني هـ الزمن مرّه وصنت المر والساقي ..
تقهويت التَعَب منّك .. ولا هزّيت فنجانك ،

أمانة عوفها دنياي و رجّع كل أشواقي ..
أنا عندي كثير أحزان ولاني بحاجة أحزآنك !

[زي الســكــــر]

أمانة عوفها دنياي و رجّع كل أشواقي ..
أنا عندي كثير أحزان ولاني بحاجة أحزآنك !

آآآآآآآآآآآآآآآآه بس وربي اثرت بي بقووووه هالقصيده
<< بكت
تسلمين ياقلبوووو ابداع لاهنتي
ذوق ولااحلى بالقصايد وبكلها مواضيعك
تقبلي مروري المتواضع
تحيتي لشخصك الكريم

[الرمش الخجول]

تسلمين ياقلبي

سلامتك من الااااه

انتي الاحلى ياقلبو

والذوق كله لك

مع تحياتي

رموشه

[الرجل المستحيل]

بسم الله الرحمن الرحيم

اللهم صل على محمد وعلى آله وصحبه أجمعين


مشكوووووور والله يعطيك الف عافيه

[جيفارا]

الله يبعد عنك الحزن يا رموشه


و تعشين بكل عمرك بسعاده


تحياتي لسموك


تقبليني

[عربى وافتخر]

الاميرة

الرمش الخجول

تسلمى عزيزتي وتسلم اناملك

على طرحك الجميل والمتميز بالرغم مايحمل من كلمات مؤثره

وحزينة

اتمنى من الله العالي القدير ان يبعد عنك الحزن والياس

وتعيشين حياة سعيدة هنية

تقبلي مرورى

ولك منى اجمل تحياتي