تعلم الشعر يا الافريقى

[الشجاع]

يام العيون الحور .. نا بدوي وأنت من قضا الحضور .. بلاش م الغلا
ياسمحة التهميدة .. متخالفين رانا من أسباب عديدة .. أنت من بنات رباة عيت احميدة
ونا بدوي لا في ع البلاد اندور .. قضيت الطفولة في ظروف شديدة
ولا في شبابي شفت يوم اسرور .. شقي من خطا ليام والتعقيدة
قليل الهنا نوعا معا الفجور .. وما يهمني وانت عروس جديده
ع النوم والكساد انديرلك طرطور .. أنت خذيتي ع الحياة السعيدة
معا بوك عندك هانيه لامور .. وعنده عليك حنان وتفدفيده
اتكحي احذاه يجيبلك دكتور .. وكل عام لاثينا يشيلك بيده
في صيفها تقضي ثلاث اشهور .. دلال علمك ع الدلع والتجعيده
اللي تطلبيه اينفذه مامور .. ونا بدوي شاعث مونتي العصيده
وتمر وحليب وخبزة التنور .. بالله نين نبقوا في بلاد بعيده
وين نلقالك البيتفور .. يا دلوعه مليت م الخداع ومن مرار اللوعة
غلاك مفروض ينتهى قبل اسبوعه .. وانكان هو طول علي ايجور
وان دامن اقسامي ف الغلا طبوعة .. بعد ايام تلقيني بروفسور
واندرس علي طلاب في ميضوعة* .. واندير معهد عالي للبكا مشهور

والطالب ايجي شايل معاه ادموعه .. لشروط القبول الحب عندا دور
واهناك فرق بين ابكاه ف المربوعة .. وابكا ف الخلا وابكاه للجمهور
يام العيون الحور .. نا بدوي وانت من قضا الحضور .. بلاش م الغلا ..

[جيفارا]

صح لسانك اخوي

بس ما اعتقد انه للعنوان علاقه بالقصيده


تحياتي لشخصك الكريم



تقبل مروري

[صمتي سؤال]

تسلم الأيادي
أنا مع أخوي جيفارا العنوان ماله علاقه بالقصيده
لاعدمنا جديدك يالغلا

[الافريقي]

سأتعلم الشعر
رغم أن كتاباتي بعيدة جدا عن الشعر فأنا أكتب نثراً لا شعراً
وباللغة الدارجة ليست بالفصحى وليست هي بالعامية ومع ذلك مقبولة منك
تحياتي