محاورة بين العقل والعين

[عربى وافتخر]

محاورة بين
العقل والعين مهداة لجميع
الاعضاء

العقل :

أنكان تتبعي مالك ومال سريبه،،لاعد أبكاك ولارجاك إيجيبه
***
العين :
انّوح أبروحي،،أتركني أنعازي في عزيز أبنوحي
إيجي الليل وينوضن عليّ أجروحي،،بلارادتي نشتاق وأنهاتيبه
ويبقن إيلطّن بالدموع أميوحي،،إيقجّن أنحوس أتصيرلي تضبيبه
***
العقل :
ليش أتسيلي؟..أنكان لك طمع فى قسَمهم قوليلي
لأمتى ونايالاك سامر ليلي،،وشايل أمعاك الهمّ وأنزازيبه؟
***
العين :
ربّي غالب،،رزاني أللي بيديه كبدي خالب
نبكي ونرجَى أللي بصوبه هالب،،فيك من زمان أمغير ماتحكيبه
عليك وقت ياعقلي عليّا قالب،،زين لو عطاك وشين فى تقليبه
ونا باركه حمله عليّا صالب،،لو أنهمّ بيه أنعَثَر كي نمشيبه
***
العقل :
ريدك جافي،،وناسي غلاك اليوم جمرَه طافي
ونا زاد قالع من زمان أريافي،،وطفيَن نوارين الغلاء اللهيبه
رميت القلوع وكاسره مجدافي،،ماعاد نبحر فى أبحور مريبه
ولانجبرك في درب فيه أتخافي،،ولابجرح مايقدر عليه طبيبه
***
العين :
لاتنهاني،،مازلت نرجى فى أقدومه راني
بالك عزيزي فـ الحياة إيعاني،،ودونه أظروفه حايلات صعيبه؟
وبالك ألتمّوا فى خفاء عدواني،،وبيني وبينه ماجروا بالطيبه؟
حتى أنكان مرجاهم لوَا ذرعاني،،وأحمول ياسهم فوق الكتوف صليبه
ماني قليلة خير في حبّاني،،ولاخير فـ أللي مايصون حبيبه
***
العقل :
مالك ومال الديّ،،أله والنبي كفّي أبكاك أشويّ
أنكان غير داريبك وداري بيّ،،أنهالي وماننهَى على تسكيبه
ألاَ القسم لابيدك ولابيديّ،،لقسام بيد ألله عالم غيبه
كريم ربّنا ضامن أرزاق الحيّ،،وكلّ حيّ كاتبله ألله نصيبه
وجاعل الدنيا كل يوم أبزيّ،،غروره أتقلّب فى أطوار عجيبه
***
العين :
كنّك ظالم؟!،،نحلف عليه أمناي بينا عالم
أمغير يسعدَه ربّي ويبقى سالم،،أللي أن غاب ماظنّي اطّول الغيبه
أتقول بكواين ياأعقيلي حالم،،حسّيت في نبرة كلامك ريبه
تحكي ومن نصّ الحكاية شالم،،قول خاطري جاحد عليّ مصيبه !
***
العقل :
قيسك هبلَه،،وعلي أبكاك ياعيني ألقيتي سبله
أللي قبل واَلعبي ونا والعبَه،،راحن أيامه فـ الغرام ذهيبه
وياما نظرنا من غوالي قبله،،وياما فقدنا من أوجوه حبيبه
وراهو البكاء ياعين بايد حبله،،وقت الكرَب بلحَيل ماتعبيبه
وراه ياسنا ع الصوب ضارب طبله،،ألله والنبي ياعين ماتشقيبه
إيموت فى شبابه ربّنا كاتبله،،مدعَى غلاهم قبل ماتزهيبه
***
العين :
أتسيلّ أتركّه،،لاأتقول تسكيب الدموع هلكّه
حنونه وهبله والفراق ربَـكّه،،لاعارفه تكمَى ولاتشكيبه
أمناها أللي بروعة غلاه ملَـكّه،،بوعين سوده واسعه ورغيبه
وهي غافله وسط الكنين معَـكّه،،معكة طليب أمنين حاز طليبه
أندبّر عليك أمغير لا أتلَـكّه،،أنت صاحبي ومافيك داير غيبه
خلّيها أتهيل الدّمع لاتمسكّه،،حال البكاء ع أللي ألتاع ضريبه
تحياتي للجميع

[الشجاع]

ممكن انقول انك اكثر من رائع

[جيفارا]

كم اسعدني المرور من هنا اخي الكريم


و الابحار مع كلماتك الراقيه


الى عالم الابداع


تحياتي الك



تقبلني

[جيفارا]

كم اسعدني المرور من هنا اخي الكريم


و الابحار مع كلماتك الراقيه


الى عالم الابداع


تحياتي الك



تقبلني