عطني ثواني واسمع اللي جرالي

**الرمش الخجول** · 2009-03-27 11:41 صباحاً

عطني ثواني واسمع اللي جرالي
وأعطيك ياللي في حياتي شريـتـه

أسنين عمري حزن والهم تالي
والدمع قصه من سكوتي خذيته

والحزن يادمع المخاليق حالي
والحظ من جفن الليالي بكيـته

والصمت خالي وحشمته من خوالي
والصبر بيـت(ن) في طريقي لقيته

والحلم ضايع وضيعته في مجالي
ومن غير مقصودً برجلي وطيته

والهم لعبت خافقي في التوالي
أسهر على نوحه وفرحي نهيته

وأبحر مع الهاجوس تالي الليالي
وأشكي على حالي وحالي رثيته

ياوجد حالي وجد اللي في بالي
رميـت حظـه بالمشاكل رميــته

لاهوب مستانس ونبضه هوالي
قريت حزنه في عـروقي قريـته

يـبكي على حــاله وحـاله حـلالي
ويشكي على حزني وحزني في بيته

يارب تحفظ فرحي اللي بقالي
وترحم جريح(ن) بالعطايا عطيته

طبعي ذبحني وطـيـبتي هي خمالي
أعطف على غيري وقلبي نسيته

دايم كذا اضحك وصدري شمالي
بسمة رضا والدمع بعيني خفـيته

الضحك موضة شفتي والعنالي
أفرح قلوب الناس وهمي بنيته

حاولت اجاوب فرحتي في سؤالي
وأمسح حروف الحزن وبيته وصيته

لكن حسافه كل شعري غوالي
ياكيف بمسح بيت حزنً رويــته

سبت جروحي وجلست بجو خالي
ظلم البشر والحقد ياما عصيـته

والكذب شايع بالبشر دوم عالي
كذابهم صادق وبصدقك خطـيـته

والغدر مابين البشر زاد وطالي
لعبه رديه تقهر اللي خــويـتـه

والناس تحكي بالقفا قال وقالي
كثـرت حكاويهم وحكــي لغيـته

والمرجله ياخوك هي راس مالي
وخوت نشما تضوي ليلً مشيـته

وأشرب علوم الطيب بدلة وصالي
وأمد فنجال(ن) لشخصً هويته

ياحـظ ياللي مسكنك في دلالي
ضيعت ردبً طول عمري ضويتـه

ضيعت درب العز ودربً طرالي
درب نويـته بالمعــزه نـويـته

وهمي ترى شوفتك ياخوك سالي
تضحك عيونك وهم ليلك طـويـته

وهمي ترى أسعدك وتضحك بدالي
وأبني حلومك وحلم عمري فـنيـته

وأخــوانك الباقين بعيــون غالي
هم تاج راسي وتاج عز(ن) عنيته

وياخوك هذي قسمتي والشقالي
أهديتلك فرحي وهمــك شريـتـه