بسم الله الرحمن الرحيم
السلام عليكم ورحمه الله وبركاته
حبيت انقل لكم خبر اني شاركت في شاعر المليون
واليوم المقابله
في فندق الفور سيزنز في برج المملكه
الضهر الله يعيني عاد
المهم حصريا لكم القصيده قبل لاقولها
واذا اعجبتكم الله الله في الردود
القصيده اقول فيها
الشعر ناتج عن أحاسيس وشعور
.............................. يـا ما غـزل ولا بحكمه مفيده
الشعر له قيـفان و أفكار وبـحـور
.............................. ما هو مقاله تنكتب في جريده
ما هو كلام فاضي مرتب ومسطور
.............................. لا أحساس لا قيمه وفكره جديده
بيت بليا سـاس مـا هو بـمـذكـور
..............................وفن الشعر ما هوب كل(ن( يجيده
ما هوب كل من جاب كم بيت مكسور
..............................يـفـرح ويـسـمـيـها عـلينا قصيده
مادامني شـاعـر ولا نيـب مـشـهـور
.............................. ودي أقـول أبيـات عـنـدي زهـيـده
باقـولـهـا للي لـه الـقـلـب مـبـتـور
.............................. ونفسي بعد فرقاه صارت وحيده
مشكور يالي ذابح القلب وتجور
.............................. وشلون تنهي الحب وانا وليده
غرك كلام عاذل صغير ومقهور
.............................. وقــال لـك دنـيـاك بـعـدي رغـيـده
ماجاك مني لاعذاريب وقصور
.............................. وشلون تتركني أحاتي النقيده
وشلون تجرحني وأنا فيك مغرور
.............................. حبك رماني في مواقف شديده
كل ماخطيت أقول ناسي ومعذور
.............................. لين استوت فيني جروح(ن) عنيده
شفت الظلام وشلون يرحل عن النور
.............................. مـثـل الهوى لاشاف غدر ومكيده
اسمع كلامي واعتبر هرجي غرور
.............................. حبك ضياع وما أعتقد راح أعيده
مادامني راضـي ولانـيـب مـجـبـور
.............................. ارحل عسا دنياي بعدك سعيده
طبعا القصيده نشرتها لكم بس متغيره الى الافضل
ولا انسى تشجيع كبار الشعار لي في دخول المضمار اليوم
تقبلوا تحياتي سعد العجمي
واول مره اقول اسمي في منتدى
التسجيل السريع إلى المنتدى
حصريااا للمنتديات احبك اقروا قصيدتي الي باقولها في شاعر المليون اليوم
العرض العادي
