}{ قصة أغنية ( ابعتذر ) و ( تقوى الهجر ) .. قصة حقيقة ..}{

[ملكه بقلبه]

قصة القصيدتين
... (( ابعتذر )) ... (( وتقوى الهجر )) ...

.. (( ابعتذر )) .. غناه / محمد عبده
.. (( وتقوى الهجر )) .. غناه / خالد عبدالرحمن

.. (( ابعتذر )) .. للشاعر بدر بن عبدالمحسن

والثانيه تقوى الهجر او .. (( لاتعتذر)) .. للشاعره...
كما لقبت نفسها... بــ (( الامل المجروح ))

......................

هذي القصيدتين طلعت عنهم اشاعات كثيره اللي يأكدها واللي ينفيها
لكن الاكيد والاكيد انها لبعضهم مقصوده
وكما هو الواضح قصيده ابعتذر هي الاولى وقصيدة تقوى الهجر رد عليها
الاشاعه اللي سمعتها عنهم هي ان الامير بدر بن عبدالمحسن كان ناوي

ينفصل عن زوجته اللي هي الامل الجروح لكن ماكان يقدر يقول لها وجه بوجه
فأرسلها لبيت ثاني بيت اهلها .. وبعد مامرت ايام طويله ارسل هذي القصيده
مع احد السائقين لها واول ماقرت القصيده اغمى عليها وفهمت منها انه طلقها
مع العلم ان البدر كان يموت فيها بس اللي سمعته انه انفصل عنها لظروف

خاصه.

وهذي القصيده اللي كتبها بدر بن عبدالمحسن وكلكم اكيد تعرفونها:-
.
.
.
.
.



ابعتذر..عن كل شي..

الا الهوى ..ماللهوى عني عذر..

ابعتذر .. عن اي شي..

الا الجراح.. ماللجراح الا الصبر..

ان ضايقتك اني على بابك امر..

في ليلة الم ..اني على دربك مشيت عمري وانا قلبي القدم..

ابعتذر.. ابعتذر..كلي ندم..

عن كل شي الا الهوى ..

ماللهوى عندي عذر..

اتصدقي مااخترت انا احبك..

مااحد يحب اللي يبي..

ياحبي المر العذب سكنتي جروحي غصب..

ليت الهوى وانتي كذب..

كان اعتذر لك عن هواي..

مااقول انا.. كوني معاي..

ان ضايقك ان ضايقك اني على بابك امر

في ليلة الم..

واني على دربك مشيت عمري وانا..

قلبي القدم..

ابعتذر..ابعتذر..كلي ندم..

عن كل شي الا الهوى

ماللهوى عندي عذر...

’،’،’،


قصيده جميله بمعنى الكلمه للبدر .لكن

كان الرد بالنسبه لي اجمل واجمل للامل المجروح

’،’،’،’،



وهذي قصيدة تقوى الهجر ... لاتعتذر ...


تقوى الهجر ..

مانجبره من عافنا ماينجبر.. لاتعتذر..

راح الصبر..

لا لا تعنا لي وتمر.. وتبغى الصبر..

وين الصبر..تقوى الهجر..

وش لي بقا عندك .. تدور لي عذر لاتعتذر..


جرحي عميق والقلب في دمه غريق

وتبغى الصبر ويلاه من وين الصبر مهما تقول لاتعتذر

مهما تقول من الاغاني والجمل..مايحتمل قلبي فديه جبر الالم..

يمشي معك درب الندم مايحتمل..

يكفي عليه ..منك احتمل كذب وغدر..

حبك سراب ضيعت وقتي اتبعه يكفي عليه..

وسط الضباب صوتك ينادي اسمعه صرت اتبعه..

واليوم في صحراء الظماء..

ترمي فؤادي وتحرقه..

وترجع تقول ابعتذر ليه العذر..

دام الهوى ماله على قولك عذر

والجرح ياجرحي يداويه الصبر..ليه العذر..؟

الله كريم .. الله عليم

هو عالم بالحالولايمكن يظيم

عزاه لك ياقلبي يااحلا نديم..

عزتي للحب لو يصبح يتيم..

حبك يتيم وكلك ندم..

وين الندم بين السطور..

عمر العدم ماله ظهور..

ترى هذا غرور

تمشي بطريق وين بطريق اللي يودي لبعيد..

عنك يااول رفيق البعد يعفيني المزيد..

وين الوفاء والتضحيه وينك رفيك؟؟!! ......

وبجمع اوراق السنين..

(( لاتنسى تجمع جروحي ودمي واهاتي معك))

وقلبي بعد ماقتلته يارفيقي ماعاد يقدر يمنعك

كل الامر عاد بيديك ...

ياخلي ياهاجر .. ماعنــــــــــــــــــدك عـــــــــــــــــــذر.....

************

وهنا انتهت الحكاية

نقلتها لكم ربما
لتتألموا مع الأمل المجروح

أو تعتذروا مع البــــــــدر


واتمنى اني قد توفقت في نقل القصيدتين


تحيتي
ملكه بقلبه

[زي الســكــــر]

كلمات قويه وفي قمة الروعه والكل يشهد بهالشي
والقصيدتين غنيتين عن التعريف


فهي اكثر الاغاني انتشاراً واكثرها رووعه


لكن القصه انا الصراحه اول مره اعرفها
وفعلاً الشخص اذا عرف مناسبة القصيده عاش بكلماتها وتاثر بها اكثر

يعطيك الف عافيه على هالنقل الجميل والاكثر من رائع

تقبلي مروري

اختك:زي السكر

[ηở.1]

واااااااااااااااو
بجد المناسبهـ مؤثرهـ
واااو


تسلم اياديكـ ملكهـ

دمتي متألقه


غاردي

[مجنونM]

يعطيك العافيه على الموضوع
القصيدتين
جميله وكلها حلوه
وين الوفاء والتضحيه وينك رفيك؟؟!! ......
وهذا البيت الي مخليني اسمع الاغنيتين كلها
طبعا الموضوع قاريه من زمان
بس حبيت اقدم شكري لك على الطرح الجميل
وصراحه موضوع حلو وقوي مره مره
ويعطيك الف عافيه
مجنونm

[ملكه بقلبه]

الله يعافيك اختي زي السكر
والروعه والجميل تواجدك اختي
ربي يعطيك الف عافيه

[ملكه بقلبه]

غاردينيا
التالق دائماً ردك اختي الغاليه
الف شكر
اسعدني تشريفك

[ملكه بقلبه]

شكراً اخوي مجنون m
الله يعطيك العافيه
تواجدك اعتبره اكبر تقييم للموضوع