اللي عليه الغنج طـبّـق راحتيه
و الغنج خصلة .. تحتوي خصايله
دايم مفضح بي و انا ما قول ليه ؟
فضـيحته سـتر الهـمـوم الجايله
صغير و مدلع و مزيون و نبيه
أخـذت لي عامين و آنا آحايله
جيته رجل عاقل معه خافق سفيه
مــا لـوثـه دم الحـــياه الزايــله
أنا فدا الغمازتين بـ وجنتيه
وا .. ذبح قلبي وا .. كبر غلايله
و الموت لا سولف و عـضّـض شفتيه
أيقـنت بـ حـظـوظ العـباد المـايله
هذا و هو ملقوف و عناده كريه
ليا ركـب راسـه و قام يشايله
ليا زعـل حتى اتصالي ما يـبـيه
و ليا رضى يزعـل على موبايله
و إن شافني زعلان و الخوف يحديه
تــشــبه الجــوال من رســايله
مـدلـعـه جــــده بــرغــبة والــديه
تـدلـيـع جــد و تـخـتـلف وسـايله
و أنا الضـحيه و الـبـزر مـاله شـبيه
عـنده لرفـع الضغـط قــدره هـايله
لا شافني مقبل يسـلهم ناظريه
ســلهام خـبـث و نـيـّـتـه مـتـحايله
لأنه يعـرف إني بـ سـلهامه أتيه
تـوهــة دلـيـل و تــاه عن دلايــله
و إن قلت له بـ شـويـش شـب الله عليه
قــام يتكـسّـر و اسـبلت اعــايــنه
و سـمعته يتمتم و يشـّـر لي بيديه
و الله لا أطـلع لك نجــوم القـايـله
دلـوع ما هــمـّــه و انا مجـبور فيه
و مـسـامـحـه مهما تكن عــمـايله
دامه يعرف إني على أية حال أبيه
وشـلـون ألـومـه و أتقي حـبـايله
حفيت سباريت القدم منه و إلـيـه
ما غـير أقابـل بـيـتـهـم و آآخــايله
و انا عـشـان أجيه لا حبيت أجيه
صـاحـبت من شـانه جــميع العـايله
الشاعر : دريــم
الله الله بالردود والتقييم يا لأداره
التسجيل السريع إلى المنتدى
صـغـير .. و مـدلـع .. و مـزيـون .. و نـبـيـه ..
العرض العادي
