أنـا والـمـلـحـق .. ألف ليله وليله

[a w t a r]

السلام عليكم ورحمة الله وبركاته


عااد في بدااية القصة لابد اعرفكم على منزلناا الدافئ .. يشبه بيت سنان بس آخر إصدار منه لوول

وفي البيت ملحق صغيرون فيه اشياء أثريه ياخذونها احياناً في الجنادريه .. زي العود والكمان والايقاعات والمعسل <<< هذي لابد منهم والا الملحق ما يسوى شي

طبعاً فيه جهاز كمبيوتر من اول ما طلع شي اسمه كمبيوتر .. وعشانه اثري وكان مخلص معاي احتفظت فيه عشان اوريه الأجيال القادمه ..<<< والله من الكسل يالسوداني

عاد في نص الملحق زوليه من عهد افلاطون ويقال ان لويس الثامن عشر استلفها لما قلط عنده هرقل ..

ودايم تجي القطاوه ( عيالي ) تدخل الملحق .. عاد اللي يدق عود فيهم واللي يسوي معسل .. ويجلسون في الملحق كأنه لهم .. حتى احياناً يقولون وش جابك انت ووجهك يالله اطلع برا ولا عاد تدخل مره ثانيه فاهم والا لا ؟؟؟

ما علينا .. المهم ان في أحد الليالي قررت عائلتي الكريمه السفر وقالو خلك زي الأسد تحرس البيت وخلك ذيب تنام بعين وحده .. <<< حدد موقفك اسد والا ذيب ؟؟

قلت ابشرووو .. ودقيت الصدر ومن قوة الضربه اهتزت الأرض .. <<< والله من الشلاخ

المهم رحلت عائلتي وتركوني لحالي وصرت اسير الملحق الصغيروون انا وقطاوتي ..

مرت الأيام وانا انووواااع الصررفيه << عزوبي وما صدق خبر

وجاء يوم وصرت على الحدييد .. حتى الحديد يقول يالأخو تراك تعديتني انت من جد مطفر وخر عني بس ..

وصارو القطاوه يقولون تكفى ما بنطردك بس جيب لنا اكل بنمووووت ..ووقتها جلست افكر كيف ناكل .. والجوع بيهلكنا ..

عاد جاو القطاوه يلحسون العظام من بقايا حمامه افترسوها قبل اسبوع لووول

فجأه انفجرت عظمه من العظام وطلع منها مااارد عملااق .. وجهه وجه قطو وجسمه جسم دجاجه

قال .. آآمر تدلل خادمك بين ايديك .. قلت مين انت ؟؟ .. قال انا سعيد العويران .. يعني مين بكون يالغبي انا المارد السحري يالله اطلب ثلاث اشياء وراح انفذها لك ..


وقتها انا حاط رجل على رجل روح جيب لي شاهي .. قال تستهبل انت ووجهك ؟؟ بعدين عدل الجلسه هذي .. قلت جلسه والا نسخه اصليه هاهاهاهاهاهاها

قال تستخف دمك انت ؟؟ .. والله ان ما تعدلت لأروح اشتكيك في مكتب العمل والعمال ..

قلت خلاص خلاص .. اول طلب ابي اكل لي وللقطاوه يكفينا على ما يرجعون أهلي ..

قال زين .. وجاب لنا اكل ودبغنا في النعمه .. عاد لما شبعت واستانست وبديت امخمخ ناديته

قال .. وش تبي يالنشبه اخلص عليّ ؟؟ ..

قلت ابي يكون عندي شركه وماي باخ وسكرتيره حلوه ..

قال .. طيب انت وطلباتك اللي مدري من وين تجيبها ..

عاد راح المارد وظبط لي شركه وجاب لي ماي باخ آخر موديل بالسواق حقه بعد والسكرتيره نانسي عجرم ..

المهم دخلت الشركه واول ما لقيت موظف متأخر فصلته .. قال تكفى انا عندي عيال .. قلتله براااا ما عندي شي اسمه تأخير .. بعدها طلعلي المارد .. قال شوف يا ترجعه يا بعطيك طراق اخليك تدور حول نفسك سبع مرات .. قلت طيب طيب

بدا الشغل وخليت قطوتي مديرة مجلس الإداره .. وطلبت من الموظفين انهم يجيبون لي كشف لحسوبات الشركه كامله ..

عاد بعد ما جابولي وتأكدت ان كل شي في السليم قلت خلني اطلع واروح اتمشى في شوارع مدينتنا الغاليه ..

عاد قبل ما اركب الا وواحد يقول تكفى داخل على الله ثم عليك اني محتاج درااهم وعياالي في الشواارع ووراانا مسؤووليه .. عاد كتبت له شيك بمليون وقلتله دبر نفسك .. الرجال من الصدمه اغمى عليه .. جيت وصحيته قلتله وش فيك ؟؟؟ قال ياخي انت فله ما ودك نطلع نتمشى .. قلتله قدام بس لازم تغير ملابسك .. قال يا رجال هذي عشان الطراره بس

قلت هاااه ؟؟ عشان الطراره ؟؟ .. قال يا حبيبي انا بيتي في الحزام الذهبي .. والأغبياء زيك يعطوني ومدخل من ورى ظهوركم وظهور الناس اللي زيك فوق الملايين .. هع هع هع

قلت.. طيب طيب خلاص امش معي .. ورحت انا وياه للخبر وجلسنا ندور على الكورنيش ورحنا جهة الراشد ونزلنا وجلسنا نمشي .. والناس تطااالع مو مصدقيين .. وكل واحد فيهم مطلع جواله ويكلم جوال ان احنا هنا ..

المهم قلت للي معاي يا حبيبي ترى اذن المغرب خلنا نروح نصلي بعدين نكمل دجتنا .. قال طيب

رحنا صلينا .. وبعد ما صلينا قام واحد يقول انا داخل على الله ثم عليكم ابي فلووس ومحتاج ومن هالكلام .. انا وقتها بغيت انجن .. قلت للدرجه هذي هم كثيييير ؟؟؟

وإلى متى طيب ما فيه مراقبه على الأشكال هذي ؟؟؟؟

ما علينا .. كان جالس جنبي ولد صغيرون بيني وبين خويي النصاب.. جاء النصاب الملقوف راح للولد وعطاه بووسه .. بعدها الولد جلس يصيح وقام بيطق خويي النصاب .. وسحب طاقيته.. ويطلع من تحت الطاقيه أسلاك شائكه وصرصار ..

هرب الصرصار وخويي النصاب يحاول ان يمسك به .. لكن هيهات ولاذ الصرصار بالفرار ..
وراح عند الطرار اللي كان واقف ودفه .. وقال وخررررررر يالنصاااب

وقال يا جماعة الخير انا بشتكي لكم من المعفن هذا اللي ما سبح من عشرين سنه .. عشرين سنه وهو حابسني تحت الطاقيه ما رحمني ولا خلاني اتنفس .. بعدها جاء النصاب وجلس يبكي وهو يعانق الصرصار وسط مشهد مثير وغريب جداً ..

طلعنا بعدها وركبنا السياره الا ويجيني اتصال من الشركه ..

رديت .. قلت الوووو

الا وسكرتيرتي نانسي عجرم تقول .. هيسم شووو هيدااا الشركي عم بتخسر كتير والناس بتطالبك بالرواتب لازم تشووف حل لهييك مشكلييي

انا من الصدمه خلالالاص ابي اهرب من المشكله هذي ومن كثر ما شفت طول اليوم .. رحت حكيت العظمه وطلعلي الماارد وهو معفوووس .. يقول وش تبي هالوقت يالنششششششششبه ؟؟

قلت تكفى ما ابي شركه ولا شي ابي ارجع هيثم الطبيعي الله يخليك

الأهداف من القصه :

1- الإنسان مهما حاول لابد ان يرضى بالقليل ويحسن معاملة الناس
2- ظاهرة التسول المنتشره في المجتمع اللتي اصبحت هاجس يشكل خطر على شريحه كبيره من الناس

من تأليفي وابتكاري .. أوتــار

[ـآلــبــدر ...!]

تسلـم علىآ ـآلقصـه ـآلروعه .,

ـآحلى شي ـآلمـارد هههههه .,

ـآلف ليـلـه وليله مـن جـد .,

تسلـم حبيبي مـوضـوع رـآئع وـآلاروع قـلـمـك .,

تحيـآتـي

[a w t a r]

البدر


هلا هلا .. تسلمي لي على الطله الحلوه

والرد الأحلى ..

[Oo_KSA_oO]

افا والله ياولد العم
يطلع لك المارد العظمي ولاتقولي
هذي أخرت المعسل والجمر اللي بيننا


يسلمو حبيبنا اوتار
موضوع ولا احلى
محشش لك زقاره قبل ما تكتبه


تقبل ملاقتي
Oo_KSA_oO

[زي الســكــــر]

ههههههههههههههههههههه
ههههههههههههه

روووعه القصه

تعطي النصاب مليون وتخليهم يطالبونك بالرواتب


خخخخخخخخخخ

يعطيك العافيه على هالقصه والاهداف

بنتظار جديدك خيو اوتار

تقبل مروري وحياك ربي بينا

[*ســـارونـــه*]

هههههههههههههههههههههههههههههههههههههههههههههههه


ههههههههههههههههههههههههههههههههههههه


ههههههههههههههههههههههههههههه


هههههههههههههههههههه




يآآويلـــــــــي انــــــــــــــــــــــــا جدّ متّ ضحكـ وربي


اجلـ مآآرد هآآ...


انـــــــــآ ابــ غ ــآآآ المآرد يطلع لي كمـــــــــآآن


سلفنـــــــــي هو كمـ يومـ...!!


والله لا احـوس ابــوهـ...^_^


قول عليها يختـشي يختـشي ..


لـــــــوووووولــ


جدّ جدّ ميــ غ ــسي بوكو ع الموضوع..


مررهـ اتونست وربي ..!!


كررهــآآ ثآآني ..


::


ســآآرونه