ياحليلهم اجاويد مسوين عرس لشغالتهم ((صور))

[الامبراطور]

... صورة مشرقه :لعائلة قطرية اقامت حفل زفاف بهيج لخادمتهم. بالصور فاطمة ، او فطوم فلبينية كما يطلقون عليها ،
عملت لدى عائلة قطرية كخادمة مدة 11 سنة متوالية وبدون اجازات ، أحبتهم وأحبوها

وأصبحت مثل بنتهم وأختهم ، ففي يوم من الايام جاءت


فاطمة الى معزبتها ربة الاسرة وقالت : ماما ! انا في رجال يسوي كلام بابا مال انا داخل فلبين ، يبي انا عروس ( الترجمة: خطبني رجال من ابوي في الفلبين )


المعزبة : مبرووووك فطوم ، بس انتي ليش زعلانه؟؟


فاطمة : انا لو في عروس كيف انا بعدين ترشي فلوس ألشان بابا مال انا؟ ( الترجمة : لو انا تزوجت اشلون بعدين اارسل فلوس لابوي؟)


المعزبة : ولايهمك يافطوم ، انا ازوجك أحسن زواج وأجيب خطيبك هنا الدوحة وأزوجكم


وطارت المسكينه الفلبينية من الفرحة ، ومن فرحتها بغت اتخم وتنظف الحي كله.


من هنا بدأت قصة الزواج ، التي تكفل بها مخدومي فطوم ، وانا كنت شاهدا وحاضرا في هذا الزواج الرائع وبأيجاز بوصف لكم العرس:-
اولا طبعا العائلة تكريما وعرفانا لفطوم والعشرة اللي بينهم جابوا المعرس من الفلبين وعلى


حسابهم وسكنوه في بيتهم وعدلوا لهم الغرفة ، بويات جديده وغرفة نوم وزل على كيفكم ، والمعرس


جايب معاه المسكين البدلة السودة ولكن المعزبة قالت حق عيالها فصلوله ثياب وجيبو له بشت ، وبالفعل تم ما أرادت الام


اما يوم الزواج الرجال والمعازيم من القطريين


والفلبينيين المسلمين وحديثي الاسلام ،


والعشا : ذبايح ماشاء الله.


وفطوم جابوا لها كوشة ، ودي جي اسلامي (DJ) ،

و بوفيه من أحد المطاعم الفاخرة ،


والمعازيم من القطريات والفلبينيات وصديقات فطوم من خادمات الفريج ،

وكل هذا على حساب


عائلة المرحوم / احمد بن عبدالله العبيدلي وأقيم الحفل في منزلهم العامر في منطقة معيذر بتاريخ 19/4/2007 ،


بصراحة اخنقتني العبرة !!!!!!!!




وإليكم الصور::


.
.
.


المعرس ..





المعازيم



من عوايد اهلنا ومنذ القدم ...
انه اذا جلس الخادم عندها مدة طويله
انهم يكافؤنه برحله للعمرة او مصاريف للحج ..
وهذي الخادمة كانت تريد الزواج ..فاكانت خوووووش مكافأة ...


والا وش رايكم انتم


منقول

[*ســـارونـــه*]

والله شيء شيء ...



بصر11حــه آآخر حاجه افكر اني ازوج شغالتي ..!!



هو هذا اللي ناقص ... هع هع



يمكن هاااذي عادات عندكمـ .. وكل بلد لها تقاليدها زي ما قلت ..



بس بالفعل موضوع غريب ..



::


سارونه

[البرنس]

والله جزاهم الله الف خير على ما قدموه للخادمه عرفاناً لها والعشره اللي بينهم

ومشكووووور يا الامبراطور على الموضوع

والله يعافيك ودمت بود

[الامبراطور]

صح الموضوع غريب شوي

بس عندنا إذا الخدامة قعدت عند العائلة 10سنين

يكافؤنها بعمرة وهاذي الحركات

بس الزواج صح غريب علينا

واشكرج انتي والبرنس على مروركم لصفحتي

[سـ ــ ــ ــ ــاري]

يابخت من وفق راسين بالـحـلال

اجر عظيم على الاسرة الي قامت بهذا الزفاف
من النادر في الوقت هذا ان فيه اسره تسوي كذا لخدمهم
الله يجزاهم الف خير ...,

يعطيك العافيه الامبراطور .. على الموضوع ..

,

ســـــــاري

[a7tweny]

جزاهم الله خير على الي سووه

صحيح هالايام قليل اتشوف ناس تكافئ خدمهم

والي سووه اجرهم عند رب العالمين ماراح يضيع

يعطيك الف عافيه امبراطور

منتظرين جديدك

تحيتي ،،،،

[احـ ـبـ ـك]

مشكووور خيوووو


واذا تبي تشردهم الله لا يهينك طق على الجوزات قدامهم

[الامبراطور]

ههههههه

مشكورين على المرور

[.. تــايــه ..]

والله جد شي غريب..

نادرا ما تشوف ناس زي كذا..

مشكوور على الصور..

....
ابوشطب