اتعبني التفكير من وين ابتديك
وشلون ابكتب مايجملني معاك
ياهزة الريناد ياخوفي عليك
خايف عيون الوقت يغريها بكاك
ياغايبة وينك بضمك واحتويك
بسقيك من نبعي غلا واشرب غلاك
انتي لوحدك بالهوى مالك شريك
ياسيدة قلبي عسى قلبي فداك
تجرين في دمي مثل جري السليك
لا من جرى ياعنترة وصلوا عداك
كلك على بعضك كذا مفتون فيك
أقسى على مسامحك يسعد مساك
دام الحنايا شعب ما غيرك مليك
تبدي لك الطاعة وتبحث عن رضاك
ما أبيك تبدين الندم لا ....لا ... ما أبيك
الا بخير وصدري الدافي سماك
يانجمتي والدمع ساهر يحتريك
ماليلة خانك ولا ليلة نساك
مره بغيت اجففه والثم يديك
خفت اني أتعود ويقتلني شذاك
من يومها سربه على غصنك يجيك
مثل العبير اللي يجيني من هواك
وانا ابتسم لك وارسمك بالشعر وهديك
وردة تذوب الوانها ورد بشفاك
ما انتي مثل غيرك على شان انتهيك
قلبي شطب كل الصبايا وابتداك
بك جاذبية تجذب احساسي اليك
اجيك متمغنط وبرمجيني وفاك
ان قلت أحبك مثل حبك والديك
عز الله أني ما خذلت الا جفاك
لا تظني عاشقك لحظه بنتسيك
الا اذا ظلك نسى يمشي وراك
ياللي خذيتي القلب جاه الله عليك
من وين مارحتي خذي روحي معاك
التسجيل السريع إلى المنتدى
اتعبني التفكير من وين ابتديك
العرض العادي
