{ ولاتز وآزرة وزر آخرى
ــــــــــــــــــــــــــــ =) ~
علمياً الى (سبع سنوات) الاهل يربون الولد ..
بعد السبع يكتفون بالتوجيهات يكونون خلاص ( اسسوا )الولد
وطبعا هذا الشي اللي بيصير!
بس عاد مانقدر نحكم ع الكل بهالنظريه
لاختلاف البيئات واختلاف الظروف ,
البيئه والظروف تأثر بالانسان
ممكن تخليه انسان.:
سوي/ غير سوي
مثقف / امي
واعي وراقي / واطي
والعنصر الاهم بـ(هالعمليه التربويه) الاهل ..!
الاهل يخلون الولد عنصر فعال او عبئ اجتماعي .
و مانغفل جآنب الولد نفسه
انو له يد ودخل بتكوين نفسه وتشكيله
ـــــــــــــــــــــــــــــ =) ~
نتناقش انا ووحده من البنات وتطرقنا لمواضيع عده
>>> يا انا فخوره بنفسي عقب هالكلمه 
فتطرقنا عن الحجاب والعبايه
طبعا ماتناقشنا فيها لانها امر منزل من الله
والاوامر مافيه لاجدال ولانقاش
بس نتناقش بالتقصير فيها
فتقولي عنها انها "الله يهديها " مقصره وكذا
هي : بس كله من اهلي
انا : كيف يعني ؟
هي: يعني من كنت صغيره بس يفرضون عليك اوامر سوي ولاتسوين
مايقولون ليش لازم تسوين كذا ولازم ماتسوين كذا
انا : طيب والحين ماعرفتيها يعني هالاشياء ؟
هي: من كنت صغيره ماعرفتها ولين كبرت
وانا خلاص ماتأسست عليها
انا: بس انتي الحين كبرتي
يعني انسان مسؤل عن تصرفاته ونفسه
ربي بكره ماراح يقول ماعليك اثم لان اهلك ماعلموك
الاثم على اهلك....؟؟
[كل نفس بما كسبت رهينه]
ولو وجهة نظرك صح ماقال الرسول اللهم صلي وسلم عليه
[ أمروهم عليها لسبع واضربوهم عليها لعشر]
يعني مو بس مايعلمونك ليش... و يضربونك
واذا على كلامك كل شي لازم يعلموني اهلي
واذا غلطوا وماعلموني انا بجلس كذا ماحطور نفسي ولا شي
ومن اهلي بعد ليش ماصرت عالمه والا داعيه
مو العالم اهله علموه والا مهوب هو راح علم نفسه
ــــــــــــــــــــــــــــ =) ~
محد يشيل ذنب غيره
كلن يشيل ذنبه...الحين مافيه شي اسمه اهلي ماعلموني
كل شي ميسر لك ومسهل لك انك تصلحين / او تدشرين نفسك
حتى اللي تدشر وتقول اهلي ماعطوني حنان ومادري ايش
غيرها يتيمه ام واب يعني مهوب ماعطوها حنان
ماعندها اصلن اهل وتلاقينها عسل اخلاق ودين وستر
ولو دشرت محد لايمها لان ماعندها احد يربيها
صآروا (الاهل شمآعه)
الاهل
الاهل
الاهل
ياصبر الاهل عليكم
انك لاتهدي من احببت ولكن الله يهدي من يشآء
اذا ربي كآتب لك هدايه بيسخرك لها
واذا ماكتب لك محد مسؤل عن احد
ومحد جاي يعطيك علم وصلاح
ـــــــــــــــــــــــــــ =) ~
ماراح أسأل واحصر آرائكم بالموضوع بكم سؤال
ابيكم تطرحون وجهات نظركم وآرآئكم
سبحانك اللهم وبحمد اشهد ان لا اله الا انت استغفرك واتوب اليك
[]
التسجيل السريع إلى المنتدى
اللهم لاتجعلنا ممن اذا اختلا بمحارمك انتهكها
العرض العادي
