أعظم (وجع) بالحب لاصرت تشتاق
للي تحب ولا أنت قادر تشوفـــه !
يكويك "جمر" داخل القلب حراق
زود على ناره تهدك طيوفه !
لا مر بعيونك كما نوض بـــراق
مالك مجال إلا تساير ظــروفه
يا صاحبي لو بيني وبينك آفاق
نفسي معك في كل حالة شغوفه
ماكنت "قبلك" خلف الإحساس أنساق
وإن شفت درب الحب أسكت وأطوفه
إلين جاني منعطف سيــل الأشواق
بأمر الغــرام اللي سطت بـي سيوفه
قاومت لكن !خافي الحــب مــــــاطــاق
صابه صمودٍ زلزل أجزاء خوفه
بغيت أرده بس حسيت بإخفاق !
في لحظةٍ "مــد" لكفوفك كفوفه
جا لك ولا كنت أحسب الحب دفـــاق
لين أغرق الخافق وســـال بنــزوفه
أثر المحــبة نبضها دوم سراق
دمــي وهو دمــي بجسمي تحوفــه!!
حاولت أداري حب قلبي باالأوراق
وأثر الورق ماهي أمنية حــروفه
سل المشــاعر من متاهات الأعمــاق
وأصبح يفــسر كــل وضع بوصوفه
يكتب تقارير الغــــلا وقت الإشراق
وعند المسا يعطيـــك باقي كشوفه
يا "جامع" حنيــــة الكون بأخلاق
معذور قلبـــي لو يضمـــــك بجوفه!
ت ح ي اا ت ي
/
|
/
*·~-.¸¸,.-~*وله وشوووق*·~-.¸¸,.-~*
التسجيل السريع إلى المنتدى
أعظم وجع بالحب لاصرت تشتاق.!!
وله وشوق 
العرض العادي
