غلطانه اللي تعشق اليوم رجال

[جود الحزن]

اليوم لك ثاني مع راحة البال
وأنا بعد همي له اليوم ثاني..


اليوم تاركني أناظر بالأطلال
صورة ,, رساله .. حلمـ ,, جرح وأماني !


ليلي قضيته بين همـٍ وغربال
وأقول في نفسي حبيبي نساني !!


غنيت أنا عقبك من الضيق موال
يومك تسمع للطرب والأغاني !!..


لي دمعةٍ من فوق الأوجان تختال
يومك تلاعب مترفات المباني.


وبي عبرة منها المخاليق تهتال
ياعبرتي لاتفضحيني عشاني ! :.


ياعبرتي خلي لك الصدر منزال
لاهوب بك داري ولا هوب عاني !!


مشغول له في ترفة حالها حال
ماهوب فاضي لعبرتي أو جناني !!


في يوم واحد نسته كل اللآمال !!
وش عاد لو يدري بشوق غشاني ؟؟


ماهوب مثل أول هذاك الغلا زال
عزاهـ كيف الود زال بثواني ؟؟؟


أربع سنينٍ طوال ياكيف تنزال؟؟
وتحط في قلبك نوف مكاني ؟؟؟!


ماكنت اظنك تجحد الود لاطال !
اثرك على طريف وتبيني أعااني .


قد قالوا إن البعد والصد قتال
وأنا اشهد انه علة بالمحاني .!!


يومي أشوفك لابس بشت وعقال !!
والشارب الأسود وزول سباني ..


وعروستك من الحيا ترخي الشال
^ وترسل لها بسمةٍ تزيد امتحاني


دمعي بلا علمي على وجنتي سال !!
اشتقتلك ليتك تحس بحنـــاني ..


ليتك تشوف الحال يامتلف الحال !!
بس التفت لي شوف شالله بلاني ..


نصيتها تضحك لها لاهيٍ سال ..
وأقول ياليته حبيبي نصاني ..!!


الله يادنيا التعاسه والأهوال
الله يستر وش يخبي زماني .؟؟


غلطانه اللي تعشق اليوم رجال
مهما حلف بالود يبقى أناني.


وقلب الرجال مابه من الحب مثقال !!
والبنت ترفه قلبها مايداني


حاولت أعبر والقلم في يدي مال ..
من هول مابي انعقد بي لساني ..




ت ح ي اا ت ي

/

|

/

*·~-.¸¸,.-~*وله وشووق*·~-.¸¸,.-~*

**********drawGradient()

[عاشق وهم]

غلطانه اللي تعشق اليوم رجال *؟o


وي وي

وي

وي وي



وووش ذا وله



على العموووم




على هذا الطرح المتميز



بس ان بقول لك::_عني وعن جميع العشاااق ان شاء الله
مايزعلون اني رديت عنهم


أنا مانـي علـى خبـرك حنـون ورجعتـي ذلـه
أنا شاعر بديت أقسى على منهـو تناسانـي


وأنا عاشق بديت أفهم سـؤال العشـق وش حلـه
وأنا مغرم بديت أطوي رحال الشوق من ثاني


وأنا صـادق وأنـا رغـد الزمـن مالمنـي كلـه
أنا عايش على قسو الزمن في تالي أزمانـي


رخصت الروح من أجله وعلى شـان تزيـن لـه
وينسى ما حصل مني رحل عنـي وخلانـي


عطيتـه كـل مافينـي فـداه القلـب وان تـلـه
خذيته عشقي الأول جحد عشقـي وجافانـي


انا عشقه انـا شوقـه وأنـا شافـي لـه العلـه
ولكن تالي أيامـه تسبـب بأكبـر أحزانـي


وانا روحه وأنا عمـره وأنـا حبـه وأنـا ظلـه
وأنا بسمة شفاه اللي لها عطـر وريحانـي


لسان الشوق لاشافـه نطـق يـا حلـو هالطلـه
وأنا وافـي وانـا صـادق ولكنـه تحدانـي


بـدا ينظرلـي بعينـه بنظـره صابـهـا خـلـه
وأنا والله ليا شفتنه بديت أعزف له ألحانـي


كـلام الجـرح مـن قلبـي نصيحـه لا تحيـلـه
أخاف انك من أسبابه تطيح اليوم غشيانـي


ظلمـت القلـب بأفعالـك وفينـي تشفـي الغلـه
وظلمت الروح ياروحي وطاح الحب مرضاني


جرحت القلب واحساسي ودمـوع العيـن منهلـه
نسيت انك فدا راسي علامك تجرح أشجانـي


وأنا والله ضحيـة عشـق وسـط القلـب محتلـه
ولكن عزتي تبقـى مـدام الطيـب خاوانـي



وأنا مانـي بسامـح لـك ولانـي غافـر الزلـه
أنا ببقى على رايي وبحور الشـوق ميدانـي


أنـا مانـي بعبـد لــك ولاكــن راجــع لله
ومن أفعالك تبي تبكي تبي ترجـع وندمانـي


وأنا ماشـي علـى الملـه ولانـي تـارك الملـه
وأنا مرويك من نهر المحبه وانت عطشانـي


شريط الماضـي الراحـل بديـت أطويـه وأفلـه
من أسبابه بديت أبكي ولا أدري ليه بكانـي


طعنـت القلـب برماحـك وسيفـك باقـي تسلـه
وش أسباب الخيانة وإنت اسمك صار خواني


حبيب الـروح معطيـك السـؤال وليتـك تحلـه
إذا ماهو على شانك ترى والله على شاني

[مغروره بس معذوره]

من جد خيال وخصوصي احرفك الرائعه

تسلم يمينك على الكلام الرائع

تقبلي مروري

[جود الحزن]

عاشق وهم....

أنا كتبت ذا الشعر لأنه عجبني وأبي أعضاء المنتدى يقولون رايهم فيه

وحتى لو كتبته مو كل الرجال كذا...

أصابعك مو سوا.... عالعموم مشكووور ع المرور..

[جود الحزن]

مغـــــــــــــــــــــــــرورهـ ..

الأرووووع مرورك وطلتك .... ماننحرم من هالطله يااربي..

[.. تــايــه ..]

تسلمين على طرحكـ ،،

بس ترى حنا طيبين ^_^

صح لسان قايله وناتقلها ،،

ننتظر جديدكــ ،،
\\\
\\
\
تــــايــــه

[جود الحزن]

والله مرورك وردك كفايه.... عطرت صفحتي يالكل الغلا..