يابحر .. فيني من الحزن .. كثر مافيك..
من حزن .. وأوجاع .. وغياب .. وغرايب!!
لاتلومني إذا شفتني .. دايم أجيك ..
ولا شفتني دايــــم .. على الشط .. ذايب!!
حزني كبير .. أكبر من حدود.. شاطيك..
وأقسى من جروح الزمان .. العطايــــــب!!
وإن كان تنشدني فأنا .. مقدر أخــفيك..
دايــــم أظن .. ويطلع الظن .. خايــــب!!
في هالزمن .. أقرب حبايبك .. يشقيك..
إلين تدفع في غلاه.. الضرايـــب!!
من بعد هذا .. يبتعد عنك .. ويجفيك..
ماكنه.. بجنبك.. قضى الوقت.. طايب!!
وإلا .. الخوي اللي توقعت.. يفـــديك..
يفديك عمره.. لاغدت بك.. نشايب!!
صد.. وتصدد.. مايبي.. يسمع طاريك..
وياما .. أنت.. دونه.. اتعبتك.. الطلايب!!
لاتقول لي.. بدري.. وتوك .. ويمديك..
وتعال.. وأسمع باقي الهرج.. صايــب!!
خلك بحالك.. وأطلب الرب.. يهديك..
ولا تنشد اللي غاب.. وين أنت .. غـــــايب!!
وإن شفتني غايب.. عن حدود.. شاطيك..
أعرف تراني.. تحت ذيك.. النصايـــب!!
وأعرف تراني .. دايم إن ضقت .. بجيك..
لأني.. أنــا .. والموج.. صرنا.. حبـــايب!!
ت ح ي اا ت ي
/
|
/
*·~-.¸¸,.-~*وله وشوووق*·~-.¸¸,.-~*
التسجيل السريع إلى المنتدى
يابحر فيني من الحزن كثر مافيك
العرض العادي