تصدق وإلا ماتصدق.. أنا عاجز عن التفكير
تعال وشوف في عيني غيابك وش عمل فيني
حبيبي مابقى عندي صبر.. يتحمل التأخير
رحلت.. وعقبك الدنيا غلاها طاح من عيني
أجاوب اللي يسألني عن أخباري وأقول بخير
وأنا لاخير بغيابك.. ولا حاجه.. تهنيني
على طاريك كل لحظة.. ولا أحتاج للتذكير
حريص القلب ماينسى عيونك , لاتوصيني
محد يقدر يعوضني لأنك.. في عيوني غير
ومهما شفت أنا الفرحه.. بدونك ماتسليني
وكيف الحال وشلوني.. جواب مايبي تفسير
بدونك أنت ,, ماتضحك حياتي وترمش سنيني
مثل شاعر عجز يوصف شعوره وخانه التعبير
أنا ضايع.. ولا أدري من فراقك.. أنا ويني
مثل طيرٍ كسر بعدك جناحه وما قدرت أطير
أحاول ابتسم وأنسى ولكن وش بينسيني..؟؟!!
أشوفك في صباحي إنت معنى ياصباح الخير
وأشوفك في مسائي حلمـ وردي.. لاتصحيني
تصدق.. السهر يرسم عيوني ويتقن التصوير
ويشق النور في صفحة حياتي.. وما ألاقيني
أنام شلون ومشكلتي عجزت ألقى لها تدبير
طلبت النوم.. لحظاته وعيا النوم يعطيني
تغير وجهي.. من أول غيابك وابتدى التأثير
حبيبي.. من التعب كافي خذيت اللي يكفيني
يا أغلى من رحل عني ياكل الحب والتقدير
تعاااااااااال إن كان لي عندك معزهـ وكان تغليني
تعال:.إن كنت تعشقني وإذا فعلا تبي لي خير
تعال:. ومد لي.. كف الوصل.. وأمد كفيني
إذا كان الجفا واجب بدى من قلبي
أبيك الحين.. ترجع لي ولا ترجع تخليني
أنا ما أقول اللي صار فيني مـا هقيته يصير
لأني كنت.. (متأكد) ..بأن البعد ينهيني
دمتم بود وأيامكم كلها فررح يارب
/
|
/
*·~-.¸¸,.-~*
ولـه
**********drawGradient()*·~-.¸¸,.-~*
التسجيل السريع إلى المنتدى
أحاول ابتسم وانسى ولكن.. وش ينسيني ..؟؟*o
