في خفوقي لك حكاية ضمها كتاب المشاعر
وفي عيوني لك مدينة ياحــلوها من مدينة
انت لو تامر على روحي من غلاتك بس تامـــر
فدوى روحي من غلاتك والله ماهي بالثمينة
شفت عاد اش قد غالي .؟*لاوعندي شيء آخر
كـل هالعالم بدونك اشبه بـدمـعـة حـزينة
احنا قصتنا قــديمة وحبنا صادق وطاهر
انقى من حــبة رذاذ فوق خـد الياسمينه
احنا لو نكتب عشقنا ضاقت أوراق الدفاتر
وأن كتبنا شيء تبقى اغلب كـنوزه دفينه
انت تبحـر في عيوني وأنا في عيونك اسافر
فــوق غيمة من محبة لاشراع ولاسفينة
جيت لك كــلي وضوح بــلا قناع ولامظاهر
وجيتني مــن طيب أصلك لاغرور ولاضغينة
تــذكــر بـــــأول لـقانا كيف خانتنا الحناجر
الحـكي عيــا وحــروفه في حناجرنا سجينه
وكانت عيونك مــرايا بعثرت أوراق شـاعر
وكنت اقرا في عيونك رعشة الشـوق وحنينه
كانت الفرصه دقايق عشتها مثل المغامر
مــرني فــصل العواصف والهداوة والسكينة
تـــصدق من بعـدها صارت ضلوعي منـابر
كــم تعلاها خفوقي يشجب البعد ويدينه
بــصرااحه في غيابك تنغلق كل المعــابر
كـل هالدنيا بدونك تنقلب صحراء وشينه
افــــتدي نظرة عيونك واشتريها بألــف خـــــــاطر
ومن غـلااااتك بس عندي عيني صارت لك مدينه
ياربي أيامكم كلها حـب
/
|
/
*·~-.¸¸,.-~*شـ وله ــوق*·~-.¸¸,.-~*
التسجيل السريع إلى المنتدى
احنـا لو نكتب عشقنــا ضاقت أوراق الدفـاتر ...{
العرض العادي
