يا عمري الدنيا ما تسوى تنام وخاطرك زعلان
ولابه شــي يســـتاهل يخلي قلبك يعــــاني
طلبتك كان لي خاطــــر تبعد عنك ألأحـــــزان
فديت أعيونك الحلوه تبسم لو علــى شــاني
حبيبي صار لي مدة أشوفك تـــايه وحيــــران
وانا والله لا شفتك حــــزين تـــزود أحـــــزاني
أنا احـــبك ولا ودي تعـــيش بدنيتك ندمـــــان
ترى ألأيـــام محســوبة وتالي ها لعمر فــاني
تصدق بسمتك والله تفـــرح خاطري الولـــهان
يطير من الفرح قلبــي واصير بعــــالم ثــــاني
والى من شفتك بضيقة أحس اني انا الغلطان
أعاتب نفسي بنفسي ولو ما كنت أنا الـجاني
غلاك بداخل أعروقي ولا يوصل غلاك انــسان
يمر الوقت ويثبت لك غــــلاك ان الله أحـــياني
أضحي بعمري لعيونك تنام انته وانا ســـهران
ونادي جروحك لقلبي تجي واحد ورى الــثاني
التسجيل السريع إلى المنتدى
