السلام عليكم ورحمة الله وبركاته
عقوق الوالدين من الامور الكبيره التي حرمها الدين الاسلامي وكذلك من الدعوات
المستجابه دعوة الوالد على ولده
القصيده قالها شايب يدعى جحيش السرحاني في اولاده لكثرة عقوقهم فيه فقد
ماتت امهم وهم في عمر صغير ولم يتزوج لئلا تضايقهم الزوجه الجديده واعياله
منهم من تزوج وقطع وصله بابوه وشاب الاب وهرم ولم يقف معه احد منذ زواجهم
والله يمهل ولا يهمل وعقوبة العقوق كبيره لقد محى الله ابناء هذا الرجل من
الوجود فابناءه فنوا ولم يجدو ذريه من بعدهم
يقول جحيش السرحاني
قــال اللذي يقرا بليــا مكـاتيــب *** ياللي تقرون العمى من عناكم
ياعيال ياللي تشرفون المراقيب ***تريـضوا لي واقصرو من خطاكم
خوذو كلام الصـدق مابه تكاذيب ****مثل السند مضمــون للي وراكم
ياعيال لا صرتو ضيوف ومعازيب *** ترى الكلام الزين ملـحة قــراكم
وتروا السبابه من كبار العذاريب *** وهــرج البلاسه مايطول لحـاكم
المذهب الطيب فهو مذهب الطيب ***والـمذهـب الخايـب يبـور نسـاكم
ياعـيال ماسـرحـتكم بالمـلاهيب *** ياعـيال ماعـمـر المـعـزب ولاكم
يامـا تـوليت القـبايـل تقـل ذـيب *** من خوف لاينقـص عليكم عـشاكم
وياما قطعت من الفيافي العباعيب *** ندور من صيد البراري غــذاكم
ياعيال دوكم لحيتي كلها شيب *** هـذا زمـان قـعـودنـا فـي ذراكـم
قمت اتوكا فوق عوج المصاليب *** قـصـرت خطانا يوم طالت خـطاكـم
عطوني القرضه عليكم مطـاليب *** عـطـوني الـقرضه جـزاء من جـزاكم
لابـد يـوم عـاوياً دونـي الـذيـب *** بالقـبـر مـافـرق طـيبـكم من رداكـم
مانيب فاضحكم بوسط الاجانيب *** بـاعـمـالكـم يـدرون كـل اقـربـاكـم
لوكان تدرون الردي والمعاييب *** صـرتـوا مـع المـخلـوق مثـل خوياكم
خوالكم بالطيب تروي المغاليب *** ولـو تـتبـعون الجـد مـحـدا شـنـاكـم
وش علمكم ياتاركين المواجيب *** حـسـبي علـيكـم هـالـردى وين جاكم
يالله عسى اعماركم شمسها تغيب *** يـعـتم قـمـركـم ثم يظـلـم سمـاكم
ياعلكم في حاميات اللواهيــــــب *** ياللـي عـلى الـوالـد خـبـيث لغـاكم
شفت الجفا والحيف والغلب والريب *** بـطلـوعـكـم لا بـيـض الله قـــراكم
اخـسـو خـسيتـو ياكـبار اللغابيب *** اهـبو هبـيـتـو يقـطـع الله نـمـاكـم
منقول مع التحيه
ولاحول ولاقوة الا بالله
التسجيل السريع إلى المنتدى
الــدعـــــــوه
العرض العادي
