شاعر الأسبوع : خالد الفيصل

[للغايب عذر]

" لا تلتفت "



لا تلتفت يم خلق الله
ما احد من الناس يشبه لك

الله عطاك الحلى كله
وتقاسموا باقية فضلك

إنت القمر بين الأهله
نورك وجذابك وشكلك

القلب برضاي محتله

[للغايب عذر]

" تستاهل "



تستاهل الحب نجديه
رفيعة الشان عجابه

العين يا عين بحريه
لقلوب الأحباب نهابه

والجيد يا جيد ريميه
تجفل من الزول لعابه

والريح يا ريح وسميه
نبت الخزامى تثنى به

صفيت مع صافي النيه
يوم الذي صابني صابه

ما عاد لي روحه أو جيه
وقف هوانا على بابه

[للغايب عذر]

" ليالي نجد "

ليالى نجد مامثلك ليالي
غلاك اول وزاد الحب غالي

ليالي نجد للمحبوب طيبي
امانه نـور عينى ياليالي

حبيبي لى ذكرت انه حبيبي
دريت انى حظيظ وزان بالي

على شانه تهاونت المصايب
اذوق المر لاجل رضاه حالي

والـى من الزمان اشتد حره
لقيت بقرب مظنوني ظلالي

عـفا الله عنه مما جاني اول
غـسل حبه جميع الهم تالي

[للغايب عذر]

[للغايب عذر]

..

خالد الفيصل

[الكابتن]

قصــــائد ..

وعذرا على تأخري ..

استريحي يالظنون الثايرة

لا تشبين الحرايق بالخضر

دام الافلاك بسماها سايرة

كل مطلع شمس له علم وخبر

يستقيم الخط ولا دايرة

الله اعلم وش مع طيف القدر

العفو ماهي بعيني حايرة

حيرتي بالفكر ماهي بالنظر

وروحي اللي في فلكها طايرة

مالها لو حلقت عندي مقر

يوم زادت بالثراء عثايرة

حلقت والجو محفوف الخطر

بعض تلات الخوافق جايرة

والذي قد جرب التلة عذر

التوا قلبي على سرايرة

والهواء فضاح مكنون البشر

لو بغيت احجد تبين فايرة

له حريق وله شعاع وله شرر

والغزالة في فلكها دايرة

الله اكبر قد لها فوق الشهر

من يبشرني وله بشايرة

السماء ونجومها بشارة قمر

قالها اللي فتح بصايرة

شاف واستعبر وعبر واعتبر

[الكابتن]

كــــــــــانت

كانت هذه بدايتنا معكم .. ونتمنى ان تنال رضى الجميع ..

لقد مرت من هنا اسطورة شاعر ..

تألق في سماء الابداع والتميز .

وارتقت دروبه ..

وارتوت انهارنا ..

من عذوبة حرفه ..

واستقينا ما طاب لكم .. هنا

فقط .. ولكم .. ولأجلكم ..

" واذا كانت هناك اضافه لشاعرنا ليطرحها.. وننهل من نقاوته "

كانت هذه اخر محطاتنا مع شاعر الاسبوع ..

وبإمكانكم الآن اختيار شاعر الاسبوع القادم .. والاسراع ايضا في طرح مسيرته ..



دمتم لمن تحبون ..

للغايب عذر & الكـــابتن